Esperanto estas internacia laŭ sia idea fono kaj celo, al kiu ĝi servas. Ĝi ne estas, nek povas esti instrumento de intelekta, ekonomia aŭ alispeca regado de unu nacio aŭ grupo da nacioj super la aliaj, sed ido de libera interhoma komunikado, je avantaĝo de la tuta homaro kaj de ĉiuj ĝiaj partoj. Esperanto lingve konkretigas la ideon de la plej nobla humanismo kaj de la plej vasta tuthomara internaciismo.
P-ro D-ro Ivo Lapenna

Esti esperantisto signifas ne nur lingvoscion. Ĝi estas destino. Misio. Sopiro al pli bona mondo. Vera esperantisto ne fariĝas, sed naskiĝas, kaj li estas esperantisto jam antaŭ ol li lernis la lingvon.
Julio Baghy

Lerni Esperanton, ĝin konstrui, praktiki kaj disvastigi, estas ja kontribui por la konstruado de ia unuiĝinta mondo.
Francisco Valdomiro Lorenz

Esti esperantisto ne estas nur paroli, legi aŭ skribi Esperante, sed precipe eksenti en la koro la Esperantan idealon.
Gilberto A. Silva Velho

Ni esperantistoj, vivas kaj vivigas la saman idealon kaj kredon de la pioniroj. Malgraŭ la malfacilaĵoj cetere konstantaj por ĉiuj idealistaj asocioj, ni tenas la torĉon kaj ne kredas utopia la finan venkon. Ni estas certaj pri tio. Kune ni venkos pli frue.
Fernando Marinho

Faciligi la komprenemon estas ago de karitato, kaj konstrui la estontecon estas fidinda laboro.
Francisco Valdomiro Lorenz

Nu, ni portu la verdan standardon kiel simbolon de Unuiĝo.
Francisco Valdomiro Lorenz

Kiu ajn estu nia aĝo, ni lernu!
Francisco Valdomiro Lorenz

Kvankam nekomprenataj, ni iru antaŭen!
Francisco Valdomiro Lorenz

Ni persistu ĝojaj!
Francisco Valdomiro Lorenz

Esperanto signifas; “Tiu, kiu esperas”.
Francisco Valdomiro Lorenz

Marŝante kaj servante, kredante kaj amante, ni trankvile esperos.
Francisco Valdomiro Lorenz

Lingvo ja konsistas ne nur el vortaro kaj gramatiko, sed precipe el multego da frazoj kaj esprimoj, kiuj la homoj parkeras, kaj rapide, maŝinece eldiras aŭ skribas sen pena redaktado aŭ hezitema primensado aŭ balbutado.
Iŝmael Gomes Braga

Ne forgesu lerni parkere, ĉar ne estas alia maniero paroli lingvon.

Kiu konas la vortojn, tiu lernis almenaŭ duone la lingvon.

Verda stelo prilumanta, prilumas la tutan mondon.

Ni esperantistoj, silente, tradicieme, konservative laboras en nia propra formikejo, ekster la granda brua mondo, kiu nin ne ĝenas, kaj kiu ne ĝenas nian trankvilan kunvivadon en nia familia rondo.
José Dias Pinto.

Tasko ne finita estas laboro perdita. Kiu flugas, devas flugi ĉiam, por ke li ne falu. Antaŭen do, kaj fariĝu bona esperantisto. Ne restu apud la vojo, sed antaŭeniru al la universala kulturo, per la internacia lingvo!
Francisco Valdomiro Lorenz

Oni povas trompi iun la tutan tempon; oni povas trompi ĉiujn dum kelka tempo, sed oni ne povas trompi ĉiujn la tutan tempo.
P-ro D-ro Ivo Lappena

Ju pli mallonge ni skribos, des pli facile niaj leteroj estos publikigataj kaj... legataj.
G. Pirlot

Antaŭen, ĉiam antaŭen, kune kun granda samideana konfido kaj ĝojo – Unueco estas forto. Ĉie, kie estas la Dia Spirito, tie estas perfekta libereco. La vero faros vin liberaj. Estu nin malfortaj en nia aroganteco kaj memestimo sed fortaj kaj fidemaj en la kunlaborado.

Esperanto estas nenies propraĵo, sed ĉies.